संघीय सरकारले प्रदेश सरकारलाई कमजोर बनाएको- मुख्यमन्त्री यादव

शुभम सन्देश
मधेश प्रदेशका मुख्यमन्त्री सरोज कुमार यादवले संघीय सरकारले नियोजित ढंगले प्रदेश सरकारलाई कमजोर बनाएको आरोप लगाएका हुन् ।
बारागढी गाउँपालिकाको नवनिर्मित प्रशासकीय भवनको शुक्रवार उद्घाटन गर्दै सो सभालाई सम्बोधन गदै प्रदेशको अधिकार संघ सरकारले नै च्यापेर राखेको हुँदा कामकाज गर्न निकै अप्ठ्यारो हुने गरेको मुख्यमन्त्री यादवको गुनासो छ ।
प्रहरी प्रशासन र कर्मचारीहरू अहिले पनि संघ मार्फत नै सञ्चालन गर्ने गरिएको भन्दै त्यसले गर्दा प्रदेशका कामकाजमा समस्या भएको उनले बताए ।
मुख्यमन्त्री यादवले संघले प्रदेशको पुर्ण अधिकार नदिदा विकास र जनताको कामकाज प्रभावकारी रूपमा सञ्चालन गर्न नसकेको बताए । यादवले प्रधानमन्त्री पुष्पकमल दाहाललाई पटक पटक भन्दा पनि कर्मचारी समायोजन नगरेको गुनासो गरे ।
उनले संघीयताको रक्षा गर्न सबै राजनीतिक दलहरूको सहमतिमा सदनमा सङ्कल्प प्रस्ताव पारित गरिएको जानकारी समेत दिए ।
मंसिर २३ गते बालुवाटारमा प्रधानमन्त्रीसँग निर्णायक वार्ता हुने जनाउँदै मुख्यमन्त्री यादवले सन्तोषजनक रूपमा प्रधानमन्त्रीको कुरा नआए सिंह दरबारमा नै धर्ना बसी आन्दोलनको घोषणा गर्ने चेतावनी दिए ।
उनले स्वास्थ्य क्षेत्रमा सबै प्रदेशहरूमध्ये मधेश प्रदेशले उत्कृष्ट काम गरेको दाबी गर्र्दै स्वास्थ्य क्षेत्रलाई अझै थप प्रभावकारी बनाउन एकहप्ता भित्र नै ४५० जना रिक्त दरबन्दीमा आवेदन खुल्ला गर्ने जानकारी दिए ।
यस्त्ै सिम्रौनगढमा भेटेनरी र आदर्श कोतवाल गाउँपालिकामा इन्जिनियरिङ कलेज निर्माण गर्नका लागि सम्बन्धित पालिकालाई प्रदेश सरकारबाट पत्र आइसकेकोले जग्गा उपलब्ध हुनासाथ काम अगाडि बढ्ने मुख्यमन्त्री यादवले बतटाए