अब १५/१५ दिनमा कर्मचारीलाई तलब
काठमाडौ । सरकारले सरकारी कर्मचारीहरुलाई अब १५-१५ दिनमा तलब उपलब्ध गराउने निर्णय गरेको छ।
अर्थ मन्त्रालयले यस नयाँ व्यवस्था कार्यान्वयनका लागि महालेखा नियन्त्रक कार्यालयलाई पत्र पठाएको छ।
काठमाडौँ । सरकारले अबदेखि सरकारी कर्मचारीहरूलाई अर्धमासिक रुपमा तलबभत्ता उपलब्ध गराउने भएको छ ।
गत शुक्रबार अर्थ मन्त्रालयले महालेखा नियन्त्रक कार्यालयलाई पत्र लेख्दै यसबारे जानकारी गराएको हो । यसअघि राष्ट्रसेवक सरकारी कर्मचारीहरूको तलबभत्ताको सुविधा महिना भुक्तान भएपछि मासिक रुपमा दिइँदै आएको थियो।
कर्मचारीहरूकाे सहजताका लागि यस्ताे व्यवस्था गरिएकाे बुझिएकाे छ।
अर्धमासिक रुपमा भुक्तानी गर्ने परिपाटी सुरुवात गर्न अर्थमन्त्री स्तरीय निर्णय गर्दै नयाँ व्यवस्था लागू गरिएको मन्त्रालयका सहसचिव डा.सुमन दाहालले बताए।
आफ्नो प्रतिक्रिया दिनुहोस
