बारामा फागुन २४ र २५ गते माओवादीको हुने जनसभालाई पार्टी अध्यक्ष एवम् पूर्वप्रधानमन्त्री प्रचण्डले सम्बोधन गर्ने

माओवादीद्वारा सञ्चालित तराई मधेश जागरण अभियान अन्तर्गत अध्यक्ष तथा पूर्वप्रधानमन्त्री प्रचण्ड सहित केन्द्रीय नेतृत्वको बारा जिल्लाको विभिन्न स्थानमा फागुन २४ गते र २५ गते जनसंपर्क,जनसभा तथा जागरण कार्यक्रमको कार्यतालिका सार्बजनिक भएको हो । फागुन २४ गते आदर्श कोतवाल गाउँपालिकामा तोकिएको स्थानमा भेटघाट तथा माओवादी जागरण सभाको आयोजना हुनेछ । सो सभालाई केन्द्रीय अध्यक्ष एवम् पुर्वप्रधानमन्त्री पुष्पकमल दाहाल प्रचण्डले सम्बोधन गर्ने कार्यक्रम रहेको छ ।

यस्तै अध्यक्ष प्रचण्डको शहीद परिवारहरूसँग भेटघाटको कार्यक्रम पनि रहेको छ। त्यसपछि फागुन २५ गते बिहान ७ देखि ८ बजेसम्म सोमबार सिम्रौनगढको पुरातात्त्विक स्थल तथा तरकारी बजार अवलोकन गरिने कार्यतालिका रहेको नेकपा माओवादी केन्द्रको बारा जिल्ला ईन्चार्ज क्षेत्र बहादुर श्रेष्ठ(अनिल) ले जानकारी दिए ।
सोही दिन बिहान ९ बजे आदर्श कोतवाल गाउँपालिकामा भेटघाट तथा माओवादी जागरण सभा आयोजना गरिनेछ, जसमा शहीद परिवारहरूसँग विशेष भेटघाटको कार्यक्रम समेत रहेको श्रेष्ठले बताए ।
यस्तै २५ गते दिनको १२ बजे इनर्वा चौक बरियापुरमा माओवादी जागरण सभा गरिनेछ। दिउँसो २ बजे कलैयाको मुख्य चोकमा जनसभा आयोजना गरिनेछ भने दिउँसो दिउँसो साढे ३ बजे प्रसौनी चटिया बाबाको (फिल्ड (पोलिटिकल कलेज) मा बृहत् जनसभा गरिने नेकपा माओवादी केन्द्रको बारा जिल्ला कमिटीले जनाएको छ ।